अत्यंत सोपी, गोड रसाळ आणि प्रासादिक रचना असलेले,यती आनंद चैतन्य स्वामी यांच्या आज्ञेने व कृपाशीर्वादाने योगीराज महाराजांना स्फुरलेले हे ओवीबद्ध समर्थ चरित्र म्हणजे आनंदाचा ठेवाच आहे.या ग्रंथाचे पठण, श्रवण, मनन म्हणजेच मनोभावे पारायण हेच कलियुगात चिंतामुक्तीचे, समर्थ कृपेचे सुलभ साधन आहे असे योगीराज महाराजांनी निश्चितपणे या ग्रंथाच्या शेवटी सांगितले आहे. योगीराज म्हणतात..दासलीला सुरद्रुम | मोक्षफळें दाटला परम | भाविकाचें सकळ काम | पूर्ण होती || हा दासलीला चिंतामणी |नुरू देचि चिंता मनी |भाविकाते सायुज्यदानी | समर्थ होये || सद्भावे करिता ग्रंथाचे श्रवण | सकळ पातकें होती दहन | ज्ञान वैराग्य भक्ति पूर्ण | उपजे चित्ती ||